अमेरिकेने बांगलादेशाची मदत थांबवली

अमेरिकेचे राष्ट्राध्यक्ष डोनाल्ड ट्रम्प यांच्या सरकारने बांगलादेशला देण्यात येणारी सर्व मदत बंद करण्याचा निर्णय घेतला. युनायटेड स्टेट्स एजन्सी फॉर इंटरनॅशनल डेव्हलपमेंट (USAID) ने बांगलादेशातील सर्व प्रकल्प बंद करण्यासाठी मार्गदर्शक तत्त्वे जारी केली आहेत. USAID कडून जारी करण्यात आलेल्या पत्रात अमेरिकेचे राष्ट्राध्यक्ष डोनाल्ड ट्रम्प यांच्या कार्यकारी आदेशाचा हवाला देत म्हटले आहे की, आम्ही सर्व यूएसएआयडी भागीदारांना यूएसएआयडी आणि बांगलादेश करारांतर्गत केले जाणारे अनुदान, सहकारी करार किंवा इतर मदतीचे काम त्वरित थांबवण्याचे आदेश देत आहोत.

बांगलादेश आर्थिक संकटाचा सामना करत आहे

फायनान्शिअल एक्सप्रेसने दिलेल्या वृत्तानुसार, बांगलादेशचे आर्थिक मॉडेल सपशेल अपयशी ठरल्याची भीती तज्ज्ञांना आहे. अमेरिकेची मदत थांबल्यामुळे बांगलादेशच्या अडचणी आणखी वाढू शकतात. महागाईचा दर १० टक्क्यांच्या जवळ पोहोचला आहे.  सतत वाढत जाणारी अर्थसंकल्पीय तूट, घसरणारा परकीय चलन साठा, घसरणारे चलन मूल्य आणि वाढती उत्पन्न असमानता यासारख्या संकटांनी बांगलादेशसाठी आधीच अडचणी निर्माण केल्या आहेत. बांगलादेशची अर्थव्यवस्था झपाट्याने घसरत आहे. 5 ऑगस्ट रोजी शेख हसीना यांची उचलबांगडी झाल्यापासून १० लाखांहून अधिक लोक बेरोजगार झाले आहेत. आर्थिक संकटामुळे उद्योगधंदे ठप्प झाले आहेत. बांगलादेशच्या लोकसंख्येच्या मोठ्या भागाला भीषण दुष्काळाचा सामना करावा लागू शकतो.

ट्रम्प यांनी युनूस सरकारवर टीका केली होती

याशिवाय अमेरिकेचे अध्यक्ष ट्रम्प यांनी त्यांच्या निवडणूक प्रचारादरम्यान बांगलादेशच्या अंतरिम सरकारवर हिंदूंवर हल्ले केल्याचा आरोप केला होता. तेव्हा ट्रम्प म्हणाले होते की, बांगलादेशातील जमाव हिंदूंवर हल्ले करत आहे आणि लुटत आहे. तेथे अराजकतेची स्थिती आहे. माझ्या कार्यकाळात असे कधीच घडले नाही. कमला आणि बिडेन यांनी अमेरिकेसह जगभरातील हिंदूंची उपेक्षा केली आहे.

ABP माझा २७.१.२४