समुद्रतळातील द्वारकेचे दर्शन आता शक्य !

 

 देशात प्रथमच अनोख्या पर्यटनाचा अनुभव घेता येणार आहे .समुद्रात ३०० फूट खोल पाणबुडीने द्वारका दर्शन शक्य होणार आहे ३५ टन वजनी पाणबुडीत एकावेळी ३०  लोक बसू शकतील.श्रीकृष्णाच्या मृत्यूनंतर द्वारका नगरी समुद्रात बुडाली होती. भारतीय पुरातत्व विभागाने ५००० वर्षांपूर्वी समुद्रात बुडालेली श्रीकृष्णाची द्वारका नगरी शोधून काढली आहे. समुद्राच्या तळाशी संशोधकांना द्वारकेचे अवशेष सापडले आहेत. त्यांचे भाविकांनादेखील दर्शन घेता येणार आहे. गुजरात सरकार  समुद्रात बुडालेले द्वारका शहर दाखवणार आहे. देशात प्रथमच अशा प्रकारचे धार्मिके पर्यटन होणार आहे. पाणबुडीच्या माध्यामातून समुद्रात ३०० फूट खोलवर असलेल्या द्वारकेचे दर्शन घेता येणार आहे.  
पाच हजार वर्षांपूर्वी श्रीकृष्णाची द्वारका नगरी समुद्रात बुडाली. समुद्रात बुडालेल्या भगवान श्रीकृष्णाच्या द्वारकानगरीचे दर्शन आता सहज शक्य होणार आहे. गुजरात सरकाराने द्वारका दर्शनासाठी अरबी समुद्रात ‘प्रवासी पाणबुडी’ सेवा सुरू करण्याची घोषणा केली आहे. या अनोख्या पर्यटनासाठी भारत सरकारची कंपनी माझगाव डॉक शिपयार्डसोबत गुजरात सरकारने करार केला.
३०० फूट खोल समुद्रात जाणार पाणबुडी
राज्य पर्यटन विभागाचे प्रमुख सचिव हरित  शुक्ला यांनी याबाबतची माहिती दिली. या स्वदेशी पाणबुडीचे संचालन माझगाव डॉक करणार आहे. श्रीकृष्ण जन्माष्टमी किंवा दिवाळीपर्यंत द्वारका दर्शन सेवा सुरू करण्याचा गुजरात सरकारचा प्रयत्न आहे. ही प्रवासी पाणबुडी समुद्रात ३०० फूट खोलवर जाणार आहे.  दोन ते अडीच तासांची ही रोमांचक सफर असणार आहे.
भक्तांना  द्वारका परिक्रमेचा अनुभव
राज्य सरकार या अनोख्या पर्यटन योजनेसाठी अनुदान देण्याची शकता आहे.  केंद्र सरकार देशातील धार्मिक आणि सांस्कृतिक पर्यटनाला प्रोत्साहन देत आहे. या अंतर्गतच हा प्रकल्प राबवला जाणार आहे.  द्वारका कॅारिडॉरअंतर्गत मूळ द्वारकेच्या (बेट द्वारका) दर्शनासाठी पाणबुडी प्रकल्प राबवला जाणार आहे. बेट द्वारकेत अरबी समुद्रात सर्वात मोठा केबल पूल तयार असेल. जन्माष्टमीच्या जवळ तो खुला होईल. याद्वारे लोकांना द्वारका परिक्रमेचा अनुभव घेता येणार आहे