सिक्कीममध्ये फायरिंग रेंज तयार करण्यात येणार !

      चीनच्या वतीने यारलुंग त्सांगपोवर जगातील सर्वात मोठे धरण बांधण्याच्या आणि लडाखच्या प्रदेशात एका नवीन काउन्टीचे नाव देण्याच्या चीनच्या निर्णयादरम्यान भारताने एक महत्त्वपूर्ण निर्णय घेतला आहे. भारताच्या वन सल्लागार समितीने सिक्कीममधील भारत-चीन सीमेजवळ योंगडी येथे २,००० मीटरच्या फायरिंग रेंजला मंजुरी दिली आहे. यासोबतच अरुणाचल प्रदेशातील अंजॉ येथे १६ मेगावॅटचा जलविद्युत प्रकल्प मंजूर करण्यात आला आहे. २०१२ मध्ये ढगफुटीमुळे हा प्लांट वाहून गेला होता. अंदाजे १५,००० फूट उंचीवर असलेली सिक्कीम फायरिंग रेंज ही देशातील सर्वोच्च उंचीवर असणे अपेक्षित आहे.

 मंगण जिल्ह्यातील लाचेन नदीच्या काठावर बांधण्यात येणाऱ्या फायरिंग रेंजमुळे सुमारे ८७ हेक्टर वनक्षेत्र प्रभावित होणार आहे.